البوابة
(مصير الحي يتلاقـى) عبـارة تعمـي العشـاق
بها العاشق يصدق لاغدى وسـط الوهـم غـارق
عبارة كذب ... أما الصدق : أصلاً هالحياة فراق
إذا : أفضل كذا نكتب : (مصير الحـي يتفـارق)
تــعـــب كــــل الحياة .. وكلها همِ ولا تنطاق
ودايم في سما نفس المتيم حزنها شارق
تسابقنا ظروف الوقت لوصـال الحبيـب سبـاق
وتسبقنا علـى وصلـه وترسـل للفـرح سـارق
وكم من عاشـقٍ كـان يترقـب للوصـال وتـاق
وصـادم واقـعٍ أخفـى وميـضٍ للأمـل بـارق
حبيبي لا استحال الوصل كيف نترجم الأشـواق؟!
زمـان يتعـب التفكيـر لوكـان الذكـا خـارق
حبيبي كنت أبي أمدحك وأذكر وش كثر مشتـاق
ولكنـي شغلـت بـذم دنيًـا همـهـا حــارق
لذلك قلـت بالمبـدأ تـرى الدنيـا ألـم وفـراق
وترى أفضل كذا نكتب : (مصير الحي يتفـارق)
