ضحية خيانه

الارض جفت والشجر يرتجي ماك

شلي جرالك ليش وصلك قطعته

ياما رويت ارضي من سيول مجراك

لين الشجر يكبر ووردي قطفته

شفت الهنا مني على كف يمناك

ياكيف تنسى اكلك اللي اكلته

لك كم اشل الشعر واردد نداك

وانــت ولا كنك ندايا سمعته

لين الامل عافك وينعاف شرواك

من باعني برخيص برخيص بعته

وانا دعيت الله وعاكست ممشاك

والله رزقني خير وانا شـــكرته

مر الزمن وجيت تحسبني ابغاك

يا كيف يطيقك قلب شخص قتلته

اربع اســــابيع ذقتها بمر فرقاك

واليوم ترجع وين امسك تركته

يالعنبو هاليوم اللي فيه شفناك

ياليت ما شفتك ولا اسمك عرفته

رح للذي عني مع الوقت الهاك

ولا جــــفاك وانت بالحب صنته

شوف الغدر بدنيتك وين وداك

وطاه راسك من بعد مارفعته

خل الندم يهواك ويدوم وياك

ما دام بابه انت اللي طرقته

جاني الخطا منك تحمل خطاياك

يالله توكل روح بـــابك دفعته

مابي ترجاني ولا تقول افداك

انسى الحبيب اللي بسيفك جرحته

لاصرت بك راضي ولاصرت انذاك

اللي طلبته نفذ اللي طلبته

هدر دموعك زيد يالله يامحلاك

لا ما عذرتك دمعك اللي عذرته

موضوع متميز مشكوووور صمت الحزن