بيني وبين الألم قصه

بيني وبين الألم قصة وان قلت بحكيهـا طال المـدى أو قصـر متمكنـه فينـي

تطـوي سنينـي مـن اولهـا لتاليهـا أسكن مدنهـا وهـي تسكـن ميادينـي

عجزت أداري بهـا الاحـزان واخفيهـا لو ارتجي الصبـر يخذلنـي ويخلينـي

وان جيت الملم شتات الفرح واغريهـا يتبدد الحلـم كنـه مـا انوجـد فينـي

كل يوم تنهي معـي صفحـة وتبديهـا واليوم همـك مـن احزانـي ينادينـي

والحـب يهـدم قناعاتـي ومـا فيهـا ويبني همومـي وأوجاعـه تخاوينـي

بعـض المشاعـر إذا بينـت خافيهـا يزداد خوفي وبعض الوصـل يشقينـي

رحلة عذابـي معـاك أطلبـك تنهيهـا وتنهي بقايـا مشاعـر لـك تودينـي

خلني بدنيـا الأسـى أسكـن بواديهـا قلبي معـذب ولـون الدمـع يروينـي

للحزن فـي خاطـري قصـة ألاقيهـا في كل لحظـة نهايـة تبتـدي فينـي

وان ابتـدات هالكآبـه ويـن اوديهـا احبسها في خاطري تعذبني وتهم فينـي

لا من صديق ٍ يسأل الحـال وارويهـا ولا مـن خليـل اشكيلـة ويداويـنـي

وحيـد بالعبـرات آهــات اشكيـهـا وكثرها قـد ملـت شعـري ودواوينـي

دنيا غريبه!! وقلت بالحكمـه بجاريهـا يمكن تخف شـوي وتعدلـي عناوينـي

وتطلع مالها دعوه والخايـن يمشيهـا اثرها طيبة المجنون وكل ماجا بيدينـي

قدصارت معي حكمه عن الايام وماضيها وانا ماخذها لي عنوان بالقوه توعينـي

مـا تكتمـل دنيـا بالاحـزان تناديهـا ولا خير ابخوي ٍ لك ما جاب الشهاينـي