منتديات صمت الحزن

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    رابع يوم في العرس تقوله أحب غيرك!!!!

    لحن البراءه
    لحن البراءه
    مراقب عـــام
    مراقب عـــام


    عدد الرسائل : 815
    مزاجي : رابع يوم في العرس تقوله أحب غيرك!!!! 310
    رقم العضويه : 7
    رساله : ضع هنا رساله قصيره تظهر للأعضاء
    الأوسمه : رابع يوم في العرس تقوله أحب غيرك!!!! Tamauz
    تاريخ التسجيل : 15/10/2007

    رابع يوم في العرس تقوله أحب غيرك!!!! Empty رابع يوم في العرس تقوله أحب غيرك!!!!

    مُساهمة من طرف لحن البراءه السبت 2 أغسطس 2008 - 19:20


    رابع يوم في العرس تقوله أحب غيرك ((عبر كثيرة في القصه هذي اتمنى تقروها))

    --------------------------------------------------------------------------------



    السلام عليكم ورحمة الله وبركاته


    حياكم اخواني واخواتي

    حبيت اقولكم اليوم قصه واتمنى من كل قلبي انكم تفهمونها تمام .....







    بدايه القصه ان في اسرة ناويه تزوج ولدها من بنت حلال وتكون البنت على أخلاق عالية هذي الاسرة من الاسر المحافظه وقالوا للولد يعني انت في بالك بنت معينه؟
    الولد قال انا مابي الا الي امي تتنقاها لي ولما راحت الام اتدور لولدها البنت الي انشاءالله تكون هي الي تستقر معاه وتكون على عاداتنا وتقاليدنا احنا لقت الام بنت صديق زوجها
    وقالت لزوجها اشرايك تزوج ولدنا بنت صديقك فلان والله خوش بنت كلم صديقك واخطبها له؟
    قال صديقي فلان والله والنعم فيه والكل يتمنى انه يناسبه خلاص بكرة اروح انا ويا ولدي نكلم الرجال ونخطب بنته....


    وجاء بكره


    وفي العصر طلع الولد وابوه وراحوا بيت الرجال << ابو البنت >> وخطبوا البنت وقال ابو البنت تستاهلون كل خير يا بو فلان ووافق ابو البنت وقال خلوني اشاور بنتي بالاول .وراح يكلم البنت قالت البنت خلوني افكر ؟؟؟؟


    والبنت مو قصدها تفكر (البنت مرتبطه) يعني بالمعنى الصحيح تحب من غير ما يدروا اهلها فراحت البنت وكلمت حبيبها الي مرتبطه فيه ...


    قالت :: فلان ترا جاني ولد صديق ابوي ويبي يخطبني ايش اسوي؟ ..


    قال:: احم احم


    قالت :: ايش فيك الولد بيخطبني تعال


    قال :: وين اجي


    قالت :: تعال البيت اخطبني قبل اروح مع الولد


    قال :: ترا صوتك صوتك يقطع !!!!


    قالت :: فلان فلاااااااااااااااااااااااااااااااااااااان أُف.


    سكر الخط


    قالت :: سكره الحقير ..


    على فكرة كلمة حقير كلمه حلوة عند الي يحبون قصدي << المرتبطين >>


    فراحت البنت تفكر ايش تسوي ولما جاها ابوها
    قال يا بنتي هذا ولد راعي صلاة وراعي دين .ابوه صديقي من 25 سنه ماشفت منه اي شي تزوجي ولده يابنتي والله ييسر لك انشالله .حتى لو تشوفين منه اي شي اكلم ابوه عنه هذا ابوه غالي والله غالي
    قالت يا أبوي انا موافقه عليه علشانك وهي في بالها حبيبها الي سكر التليفون بوجهها....


    وكتبوا الكتاب على البنت ويا الولد وتزوجوا...








    وفي ليلة الدخله قعد الزوج مع البنت يسولفون مع بعض مثل مايصير مع اي زوجين جدد وكل واحد يقول للثاني اهم شي له بس الغريب ان الزوج لاحظ ان الزوجه مو وياه بالسالفه.....!!!


    قال :: يافلانة ايش فيكي ؟؟؟


    قالت :: اليوم انا تعبانه...


    قال :: انشاءالله ما تشوفين شر يالغاليه...


    وما ادراك ما معنى كلمة غاليه من قلب والله نظــــــــــــــــيف


    وفي اليوم الثاني نفس الشي يجي يسولف والبنت تتهرب
    وباليوم الثالث يجي يسولف البنت تتهرب وفي اليوم الرابع يجي يسولف تتهرب!!!
    الصراحه طفح الكيل كأني احس بالولد وراح للبنت...


    قال :: يابنت الحلال إنتي فيكي شي؟


    قالت :: أف اشفيك انت؟


    ايش قالت !!
    قالت أف

    هذي العن كلمة تقال للزوج في اول ايامه يارب تبعدني انا ويا كل ولد نظيف عن هالكلمه يارب العالمين


    قال:: ايش تقولي؟


    قالت :: اشفيك انت اذيتني ايش تبي؟...


    قال :: وهو متعجب انا اشبي؟!!! انا زوجك على سنة الله ورسوله صلى الله عليه وسلم يابنت الحلال


    قالت :: تدري أنا ما أحبك انا أحب غيرك!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!


    مو غريبه ان يتعجب لأنه أكبر إختبار بعد فقد غالي مثل الأم والأب والاخوان وسكت


    ورد :: قال إنتي تحبين غيري؟


    قالت :: اي والله إني أحب غيرك


    قال:: يابنت الحلال إنتي أبوكي رجال كبير وأنا ولد ناس وتزوجتك بالحلال بس ممكن طلب


    قالت :: اطلب


    قال :: انتي أمك ويا أبوك كبار وأنا لو أطلقك راح يقولون بنتنا فيها شي خليكي عندي ثلاث شهور وراح أطلقك علشان ما يشكون فيكي أهلك و الناس
    مو علشانك علشان ابوك انا اعرف ابوك من انولدت مثل ابوي ماابيه ينصدم فيك مطلقه من اول ايامك...


    قالت :: بس تطلقني


    قال ::: والله لطلقك بس خلك عندي بدون لا اجيك علشان شيبات ابوك


    قالت :: انا موافقه ..


    قال :: فلانه ممكن طلبين صغار


    قالت :: اطلب


    قال:: اول شي الولد صديقك لا اشوفك تكلمينه عندي ولا من وراي هذا وعد بيني وبينك خليه بحاله لانك في ذمتي وانا محترمك للحين علشان ابوك وانتي تدرين
    والطلب الثاني ابي لاقعدنا ويا امي ويا ابوي كأنه مابينا شي خليكي طبيعيه ماأبيهم يدرون انك تحبين وحتى عند اهلك اعتبريني اخوك لا تنحرجين مني زين يافلانه؟


    قالت :: ماراح اكلمه و انشاءالله اوعدك ماابين اي شي


    هذا الحديث دار بين الزوجين في رابع يوم من زواجهم الحمد لله والشكر على النعمه لي وللي يقرون هالرساله وانشاءالله مانشوف مثل هالاختبارات يارب








    وبعدين مع مر الايام الولد ويا زوجته يقعدون عند اهلهم وطبيعيين ويسولفون وكأنه مافي اي شي ولما يروحون البيت البنت تروح للفراش والولد يروح دار القعده او دار الاستقبال هذي حال العروس ويا المعرس اول شهر









    الشهر الثاني


    قامت البنت تمل من هالحال وتطلب طلبات كثيرة علشان يمل الرجال بس الولد نفسه خفيفه على البنت يلبي كل طلباتها وكانوا محددين يومين بالاسبوع الجمعه ويا الاثنين لاهل البنت وكل ما يروحون البنت تشوف زوجها قاعد عند امها ويا ابوها حتى ان ام البنت ويا ابوها يقولون للولد ها شلون بنتنا ....


    يطالعها واهي تطالعه


    يبتسم ويقول ::


    والله على راااسي يا عمي


    الزوجه تعجبت بكل صراحه بس هي في بالها الطلاق بالحقيقه









    الشهر الثالث


    البنت قامت تشوف ان زوجها هذا ولد كامل والكامل الله تقول بينها وبين نفسها هالولد لو يفلت من ايدي والله ما احصل على احسن منه وانا محسوده فيه من الناس ليش ما اعدل علاقتي معاه احسن من الي ما أخذني عن حب!!!!

    عفوااا


    <<<<<<<<<<<< *******************************>>>>>>>>>>>>


    تقول البنت ليش ما اعدل علاقتي فيه والله ولد ناس محترمين امه ولا الف ام وين احصل ام ابرك من هالام الي عنده وابوه كافي انه صديق ابوي حتى ابوي يقول هذا صديقي من 25 سنه ماغلط علي ولا قال شي ليش انا اروح للي جايني بالحرام واخلي هالولد ولد الناس بالحلال يقعد....


    خططت البنت انها تتكشخ وتتزين علشان هالولد الطيب ولما جا الولد من عند اصحابه بالليل شاف ان البنت متكشخه علشانه


    قال:: ماشاءالله ايش هالزين...؟


    قالت :: والله عيونك الحلوة


    قال :: ماتوقعتك انك كذا


    قالت:: توقع من اليوم ورايح انا راح اكون لك احلى بنت


    قال :: انشاءالله تكونين احلى بنت بالدنيا يا رب


    ودخل دورة المياة وراح يغسل وطلع الا وهي قدامه
    قال مافي عشاء؟
    قالت اي فيه والله انا مجهزة العشا لك وجابت العشا تعشى وراح ينام بدار القعده !!!!!!!!!!!


    قالت :: والله يمكن مو راضي علي للحين بس والله يا جمالي هذا ما يخليه والله لخدرة
    وكل يوم تسوي فيه كذا تروح تكشخ وتقعد تنتظره لين يجي باالليل وهو على لسانه ماشاءالله عليكي مزيونه حيل مافيه عشاء.؟.....









    قبل الشهر الرابع بأسبوع


    راحت البنت وهي مستغربه تقول اشفيه صارلي اكثر من 15 يوم اتكشخ والبس احلى شي بس الولد ما يعطيني وجه اشفيه؟ لا يكون يحب بس قالت ليش ما اقوله...!!!!


    قالت :: يا فلان انت فيك شي؟


    قال :: ليش ؟


    قالت:: لا , بس اشوفك منت طبيعي والله


    قال :: ايش تشوفين يعني؟


    قالت :: انا والله حبيتك بس انت مدري شفيك


    قال :: انتي تذكرين ايش قلتي رابع يوم العرس؟!!!


    قالت :: اي والله بس الحين خلاص انا لك


    قال :: قلتي انك تحبين واحد ثاني


    قالت :: اي بس الحين انت الكل بالكل


    قال :: يا بنت الحلال ما بقى على الشهر الثالث الا ايام والله انا مواعدك اخر الشهر الثالث يصير الي طلبتيه


    قالت :: يعني انت حبيتني


    قال :: انا ما اخذتك الا لأني حبيتك مو عشانك ,بس لابوك ويا امك والله


    قالت :: تكفى لا تطلقنى


    قال:: يصير خير


    وراااااااااح ينام بدار الاستقبال وهي راحت دار النوم بروحها تفكر وتقول يارب يارب يارب انه ما يطلقني ابن الحلال هذا والله يا شين حياة بنات الهوا وقعدت تتذكر حياتها مع الولد الي صك التليفون في وجهها وتتذكر حياة صديقاتها الي طيحوها بالعلاقات على قولتهم<< الارتباط >> وتقول بعد
    الله لايوفق كل من يحب من غير رضى الاهل والله اني عشت العن ايام عمري هالاسبوع
    يا رب مايطلقني...


    ومن باكر طلبت منه يوديها مطعم وراحوا مطعم واكلوا منه احلى الطبخات والوجبات وافتروا شوي وراحوا شارع الحب وراحوا السينما وراحوا كل مكان حلو يطري على زوجين ليش؟
    لأنه هو يقول:
    هالبنت هي زوجتي الحين لازم امتعها لانها على ذمتي , بس هي تقول هو والله جذاب وطيب واحسن من هذاك الخايس اسمحولي بالكلمه هذي اخواني واخواتي ولما راحوا البيت قعدوا بالصاله وشافوا التلفزيون وهم مندمجين ...


    قال :: تصبحين على خير انشاءالله


    قالت :: وين ؟


    قال :: بنام والله


    قالت:: زين نام بدارك


    قال :: انشاءالله باكر










    على اخر الشهر الثالث
    يعني بعد 89 يوم


    كان يوم الاثنين الساعه 10.30 الصبح قعد الولد ووياه زوجتة.......


    قال::: يالله يا فلانه يالله


    قالت :: يالله وين...؟


    قال :: اليوم الاثنين نروح لأهلك


    قالت :: يالله


    وراحوا بيت اهلها ولما وقف عند بيت اهلها
    قال يا فلانه انا والله حبيتك بس اسلوبك مو شي يعني ترضين تجرحين رجال بكل بساطه؟
    قالت اشفيك؟
    قال انا بس بقولك انتي والله غاليه بس انا ما آمن عيالي في بنت تقول لزوجها انا احب غيرك قالت قبل مو الحين
    قال لا والله لا هي قبل ولا هي الحين انا رجال وعندي مشاعر والمثل يقول الي ينقرص مرة ما ينقرص مرتين
    قالت شفيك؟,
    قال انا وعدتك بس ثلاث شهور وبعدين نتطلق
    قالت لا لا لا يا فلان والله حبيتك لا تطلقني
    قال والله اني حبيتك اكثر من حبك لي بس هذي الدنيا لازم اخليك وعيشي مع واحد ثاني اطيب انشاءالله مني,
    قالت والله ما فيه أطيب منك أحد ابيك انت,
    قال انا ماني عايش معك انتي قلتي احب غيرك وهالكلمه قاعده في قلبي لين اموت
    الرجال لاانجرح لا تعتبرينه مثل المراة الرجال عزيز نفس
    قالت شفيك انت اليوم؟ انزل عند ابوي,
    قال سلمي على ابوك,
    قالت انزل بس ربع ساعه واطلع


    قــــــــــــــــــــــــــــــــــــــــــــــــا ل ::


    انتي طـــــالـــــــق طـــــــــالــــق طـــــــــالــــــــق.


    انزلي الله يوفقك انشاءالله
    فكيني من شوفت ابوك ويا امك انزلي مابيه يقول ليش طلقت بنتي وانتي ادرى
    قعدت تصيح بالسيارة
    قال فظحتيني انزلي خلاص وهذي ورقة الطلاق مابيني وبينك الا كل خير ما عمري سبيتك ولا طقيتك ولا غلطت عليك ولا على اهلك سلمي عليهم ولا تقولين انك قلتيلي احب ترا ما يدري عنها انشاءالله غيري انا وانتي وعلام الغيب


    ونزلت البنت لبيت اهلها وهي مخدرة من الصدمه
    وبشرت اهلها في طلاقها الي هي تتحمل كل ما فيه لانها اهانت ولد عزيز نفس في رابع يوم من زواجهم والي انا سامعه ان البنت حاليا تتعالج بالطب النفسي والقصه حقيقه .


    منـقووووووووووووووووووووووووول .

      الوقت/التاريخ الآن هو الخميس 28 مارس 2024 - 18:26